Բազմաթիվ անգամ խոսվել է այն մասին, թե ինչ է պետք ասել կնոջը, բայց
այս դեպքում հարց է առաջանում. իսկ ինչ չպետք է ասել նրան: Բերանը փակ
պահելով` կարելի է խուսափել շատ սխալներից: Ուստի, հետագա
անախորժություններից խուսափելու համար ներկայացնում ենք 10 այնպիսի
արտահայտություններ, որոնք երբեք չպետք է ասել կնոջը:
1. «Կարո՞ղ եմ համբուրել քեզ»
Հարցրե՛ք ցանկացած կնոջը, և նա Ձեզ կասի, որ տղամարդը երբեք չպետք է
թույլտվություն հարցնի կնոջը համբուրելու համար: Դա դեմ է այն ամենին,
ինչ կինը փնտրում է տղամարդու մեջ: Գուցե քաղաքավարությունից ելնելով նա
պատասխանի «այո», բայց ներքուստ նրա պատասխանը հաստատական «ոչ» կլինի:
2. «Կարո՞ղ ենք մի օր միասին դուրս գալ»
Ինչպես նախորդ, այնպես էլ այս արտահայտության դեպքում կինը ցանկանում է
լինել հավասարակշռված և առաջնորդի հատկություններով օժտված տղամարդու
կողքին և ոչ այնպիսի մեկի, ով թույլտվություն է հարցնում նրան ժամադրելու
համար: Երբեք չհարցնե՛ք կնոջը` արդյոք կարող եք նրան որևէ տեղ հրավիրել.
ուղղակի ժամադրե՛ք նրան, բայց կատարե՛ք այդ քայլը ինքնավստահ: Դա կարող է
հնչել այնպես պարզ, ինչպես «Մենք պետք է զվարճանանք` համարդ կասե՞ս»` կամ
նույնիսկ նրան ասելով այն առանձնահատուկ վայրի անունը, որտեղ ցանկանում եք
նրան հրավիրել. օրինակ` «Սիրելի՛ս, ե՛կ սալսայի դասերի հաճախենք. մի լավ
ժամանակ կանցկացնենք»:
3. Ցանկացած բան Ձեր մեքենայի, աշխատանքի, տան մասին, որով կարծես փորձում եք տպավորություն գործել նրա վրա
Արդյոք գիտե՞ք, թե ինչ տղաներ են պարծանքով խոսում իրենց մեքենաների,
աշխատանքի, տների մասին: Ճշմարտությունն այն է, որ շատերն են այդպես
վարվում, սակայն կանայք նրանց բոլորին դասում են մեկ տիպի մեջ. ՏՂԱՆԵՐ,
ՈՎՔԵՐ ԱՌԱՋԱՐԿԵԼՈՒ ՈՒՐԻՇ ՈՉԻՆՉ ՉՈՒՆԵՆ: Հարցրե՛ք այս մասին ցանկացած
համակրելի կնոջը, և նա կհամաձայնի այս ամենի հետ: Իհարկե, Դուք կարող եք
այս ձևով գրավել որոշ կանանց ուշադրությունը, սակայն նույնիսկ նրանք ավելի
շատ կտպավորվեն և կգրավվեն Ձեր նյութական բարեկեցությամբ, եթե զրույցի
ժամանակ չհիշատակեք այդ մասին:
4. «Ի՞նչ անենք այսօր երեկոյան»
Ասում են, որ կանայք սիրում են նախաձեռնող տղամարդկանց, և սա լիովին
համապատասխանում է իրականությանը: Երբ ժամադրում եք կնոջը, համոզվե՛ք, որ
լավ մշակված ծրագիր ունեք: Մի՛ ծանրաբեռնեք նրան, հակառակ դեպքում նա չի
գնահատի այն փաստը, որ ցանկանում եք հաճելի պահեր պարգևել նրան:
5. «Դու սիրո՞ւմ ես ինձ»
Եթե պետք է ընտրեք այնպիսի արտահայտություն, որն անմիջապես բացասաբար
կանդրադառնա նրա ձգողության վրա, ապա սա հենց այդ արտահայտությունն է:
Կնոջն այսպիսի հարց տալը անվստահություն է ներշնչում: Ուստի մի՛
հարցրեք , այլ ուղղակի ենթադրե՛ք, թե նա հավանում է Ձեզ, ինչը Ձեր օգտին
կլինի: Նկատի ունենք`ով՞ չէր հավանի:
6. «Ես անցած օրը հաղորդագրություն էի ուղարկել, բայց պատասխան չստացա: Ինչ-որ բա՞ն է պատահել»
Սա պետք է, որ լինի ամենատարածված սխալը, որ թույլ են տալիս տղամարդիկ
կանանցից պատասխան չստանալուց հետո, և թեև սա կարող է սովորական թվալ,
սակայն այն իրենից մեծ խնդիր է ներկայացնում: Լավագույն տարբերակն ուղղակի
այդ փաստն անտեսելն է և շարունակել ապրել այնպես, կարծես դա երբեք էլ չի
եղել: Եթե կնոջ մոտ հիշատակում եք անպատասխան հաղորդագրության մասին, ապա
դա երկու բան կարող է նշանակել.
1. Ցույց եք տալիս, որ անհանգստանում եք, որ չի պատասխանել: Փոքրիկ
հուշում. եթե նոր եք սկսել հանդիպել կնոջ հետ, չափազանց շուտ է
անհանգստանալու համար:
2. Ստիպում եք , որ իրեն մեղավոր զգա, ինչը կանանց մոտ անվստահության զգացում է առաջացնում :
7. «Քանի՞ հոգու հետ ես քնել»
Նախ և առաջ, վստա՞հ եք ցանկանում եք իմանալ: Երկրորդ, Դուք կրկին
անվստահություն եք ցուցաբերում, հատկապես, եթե հենց սկզբից եք հարցնում այդ
մասին: Իհարկե, եթե նա է առաջինը հարցնում Ձեզ այդ մասին, բայց
հավատացեք` Դուք ինքներդ չեք ցանկանա բացել այս խոսակցությունը , քանի որ
միայն պարտվողի դերում կլինեք:
8. Ցանկացած բան, որն «ապագային» է վերաբերում
Շատ հաճախ , երբ տղամարդը առաջին անգամ է ժամադրում կնոջը, և վերջինս
հիշատակում է այն մասին, թե ինչ է հավանում կամ նախընտրում անել, տղան
չպետք է իր ձեռքից բաց թողնի այդ հնարավորությունը և անմիջապես պետք է
ակնարկի մյուս հանդիպման մասին: Օրինակ` կինը կարող է ասել, որ սիրում է
չինական խոհանոց, որի ժամանակ Դուք կասեք. « Օ~, ես նույնպես, մենք կարող
ենք միասին գնալ չինական կերակուր համտեսելու.: Ո՛չ, ո՛չ և կրկին ո՛չ:
Թեև սա տեսականորեն լավ է հնչում, բայց Դուք պետք է հիշեք , որ կինը ոչ
միայն ուզում է, այլև կարիք ունի առարկող տղամարդու: Եթե առաջին ժամադրման
ժամանակ անընդհատ խոսում եք կրկին հանդիպելու մասին , նա կարծում է, որ
Դուք լիովին տարվել եք իրենով, ինչը նշանակում է, որ խաղն ավարտված է, իսկ
նա հաղթել է:
9. «Ես քեզ ուրբաթ օրը կզանգեմ»
Զրույցը «հաջորդ քայլով» ավարտելը լավ միջոց է հանդիսանում այն դեպքում,
եթե ցանկանում եք մեկին որևէ իր վաճառել, բայց ոչ այն ժամանակ, երբ խոսում
եք կնոջ հետ: Նախ Դուք վերացնում եք կանխատեսելի լինելու
անմիջականությունը: Երկրորդ, պակասում է հավանականությունը, որ նա Ձեզ
կզանգի, քանի որ այժմ նա պետք է սպասի Ձեր զանգին կամ էլ,
հուսահատությունից դրդված, ռիսկի դիմի: Դա լավ չէ:
10. Ցանկացած ակնարկ, որը վատաբանում է նրա` արական սեռին պատկանող ընկերներին:
Ամենաարագ միջոցներից մեկը, որով տղամարդը կնոջը անվստահություն է
ներշնչում, վիրավորանքն է վերջինիս տղա ընկերներին, հատկապես, եթե չի
հանդիպել նրանց, բացի այդ էլ` կնոջը այդքան լավ չի ճանաչում: Ահա սա է
խնդիրը. նույնիսկ եթե նրանք ավելին են, քան ընկերներ, Դուք ուղղակի
այնպիսի իրավիճակում եք հայտնվում, ասես վախենում եք մրցակցության մեջ մտել
նրանց հետ, ինչն անմիջապես անվստահության զգացում է ներշնչում կնոջը:
Լավագույն տարբերակը բերանը փակ պահելն է, երբ խոսքը գնում է նրանց մասին:
|