ՎԻՃԱԿԱԳԻՐ
ԿԱՊԻ ՄԵՋ ԵՆ ԸՆԴԱՄԵՆԸ 1 ՀՅՈՒՐԵՐ 1 ՕԳՏՎՈՂՆԵՐ 0
|
Այս ամենը անվճար է
В разделе объявлений: 196
Показано объявлений: 126-150 |
Страницы: « 1 2 ... 4 5 6 7 8 » |
Պատրաստման եղանակը
| Ոչխարի մսի կտորները (կրծքամիս կամ չալաղաջ) լցնել սառը ջրով կաթսայի մեջ և թեթևակի եփել՝ քաֆը հեռացնելով: Հետո միսը հանել, արգանակը սառեցնել: Կաթսայի մեջ տապակել սոխը, ավելացնել տոմատ և տապակել այնքան, մինչև յուղը բարձրանա տոմատի երեսին, դրանից հետո վրան լցնել քամած արգանակը, ավելացնել ձավար և եփել ևս 20-30 րոպե, այս ամենին ավելացնել աղ, միսը, խորանարդաձև կտրած կարտոֆիլ և եփել: Մատուցելիս վրան կանաչի ցանել:
| Պարունակություն :
| 125 գ. ոչխարի մսի համար վերցնել 20 գ. ձավար, 100 գ. կարտոֆիլ, 20 գ. գլուխ սոխ, 10 գ. հալած յուղ, 15 գ. տոմատ, աղ, կանաչին ըստ ճաշակի: |
|
Պատրաստման եղանակը :
| Ոչխարի ետևի ոտքի փափուկ մասը առանձնացնել ոսկորներից: Ոսկորներով արգանակ պատրաստել: Միսը երկու անգամ աղալ մսաղացով, ավելացնել բրինձ, մաղադանոս, պղպեղ, լավ խառնել և գնդիկներ պատրաստել: Քամած և տաքացրած արգանակի մեջ լցնել սոխեռածը, մսի գնդիկները, լվացած բրինձը, թարխուն և եփել, մինչև բրինձը պատրաստ լինի: Հարած ձվերը լուծել ջրի մեջ: Նախքան կոլոլակը մատուցելը, հարած ձուն բարակ շերտով լցնել ապուրի վրա, անընդհատ գդալով խառնելով, այնուհետև եռացնել:
| Պարունակություն :
| 125 գ. ոչխարի մսի համար վերցնել 30 գ. բրինձ, 12 ձու, 40 գ. գլուխ սոխ, 10 գ. յուղ, 10 գ. թարխուն, 50 գ. մաղադանոս, աղ, սև պղպեղն ըստ ճաշակի: |
|
Պատրաստման եղանակը :
| Ոչխարի կրծքամիսը կտրել 50-60 գ-ոց կտորներով, եփել պուտուկի մեջ (կավե աման)՝ ջոկած և լվացած մեծ ոլոռների հետ: Ապուրը պետք է եփել առանց կափարիչի կաթսայի մեջ և ջուրը քչանալու դեպքում ավելացնել արգանակ: Մսի եփվելուց 20-30 րոպե առաջ լցնել խորանարդաձև կտրատած կարտոֆիլ, կանաչ կամ գլուխ սոխ, աղ անել, ավելացնել կարմիր պղպեղ, լոլիկ (կտորներով կտրատած), մանրացրած կանաչի և եփել: Պուտուկը մատուցել նույն ամանով, ափսեի մեջ լցնել ուտելուց անմիջապես աքաջ:
| Պարունակություն :
| 100 գ. ոչխարի մսի համար վերցնել 20 գ. ոլոռ, 20 գ. գլուխ սոխ, 100 գ. կարտոֆիլ, 60 գ. լոլիկ կամ 10 գ. տոմատ, աղ, կարմիր պղպեղ, խառը կանաչին ըստ ճաշակի:
|
|
Պատրաստման եղանակը :
| Ոչխարի կրծքամիսը կտրել 30-40 գ-ոց կտորներով, եփել արգանակ և սառեցնել: Առանձին կաթսայի մեջ լցնել ջոկած, լվացած ոլոռ, վրան սառը ջուր լցնել և եփել: Ոլոռով եփված կաթսայի մեջ լցնել եփած մսի կտորները, վրան լցնել քամած արգանակը, սոխեռած, տոմատ, մեծ կտորներով կտրած կարտոֆիլ, չորացրած ծիրանաչիր, կանաչի, աղ, պղպեղ, ծածկել կաթսան կափարիչով և եփել 10-15 րոպե:
| Պարունակություն
| 125 գ. ոչխարի մսի համար վերցնել 50 գ. ոլոռ, 10 գ. կարտոֆիլ, 10 գ. ծիրանաչիր, 25 գ. գլուխ սոխ, 15 գ. տոմատ, 10 գ. կարագ, աղ, կարմիր պղպեղ, չորացրած կանաչին ըստ ճաշակի: |
|
Պատրաստման եղանակը :
| Ոչխարի կրծքամիսը կտրել 35-40 գ-ոց կտորներով, լցնել կաթսայի մեջ, վրան ջուր լցնել և միսը թեթևակի եփել՝ ժամանակ առ ժամանակ քաֆը քաշելով: Արգանակը սառեցնել, իսկ միսը և մանր կտրատած սոխը տապակել կարագով, հետո ավելացնել ալյուր և շարունակել տապակել այնքան, մինչև ալյուրը շագանակագույն դառնա: Ալյուրի և սոխի հետ տապակած միսը լցնել քամած արգանակի մեջ, ավելացնել կլպած և կտրատած կարտոֆիլ, աղ, պղպեղ, մեջտեղից մաքրած և կտորներով կտրած սերկևիլ, եփել մինչև սերկևիլը պատրաստ լինի: Դրանից հետո ավելացնել կլպած, մեջտեղից մաքրած խնձոր, կանաչի և թույլ կրակի վրա եփել:
| Պարունակություն :
| 125 գ. ոչխարի մսի համար վերցնել 60 գ. կարտոֆիլ, 3 գ. ալյուր, 10 գ. կարագ, 50 գ. խնձոր, 50 գ. սերկևիլ, 25 գ. գլուխ սոխ, 3 գ. խառը կանաչի, աղ, պղպեղն ըստ ճաշակի: |
|
Պատրաստման եղանակը
| Ոչխարի կրծքամիսը կտրել 100-125 գ-ոց կտորներով և պատրաստել արգանակ, ինչպես ՙՍիսիանի բոզբաշ՚-ում (Նայել նախորդ բաղադրատոմսը): Սառած արգանակի մեջ լցնել ոլոռ և եփել: Այնուհետև ավելացնել կտրած կարտոֆիլ, մսի կտորները, տապակած սոխ և տոմատ, լվացած սև սալոր, խնձոր՝ մաքրած և չորս մասի բաժանած, աղ, պղպեղ և ապուրը նորից եփել 10-15 րոպե:
| Պարունակություն :
| 125 գ. ոչխարի մսի համար վերցնել 30 գ. ոլոռ, 25 գ. գլուխ սոխ, 100 գ. կարտոֆիլ, 150 գ. տոմատ, 30 գ. խնձոր, 10 գ. սև սալոր, աղ, պղպեղ, խառը կանաչին ըստ ճաշակի: |
|
Պատրաստման եղանակը :
| Ոչխաքրի կրծքամիսը կտրել 50-60 գ. կտորներով, լցնել կաթսայի մեջ, վրան ջուր լցնել և միսը թեթևակի եփել՝ ժամանակ առ ժամանակ քաֆը հեռացնելով: Արգանակը սառեցնել, միսը լցնել տաքացրած յուղով կաթսայի մեջ, ավելացնել տոմատով պատրաստած սոխեռած, ալյուրը բովել, և խառնել: Դրանից հետո լցնել արգանակը, խորանարդաձև կտրատած կարտոֆիլ, լվացած թթու սալոր, աղ, պղպեղ, կանաչի և եփել:
| Պարունակություն :
| 125 գ. ոչխարի մսի համար վերցնել 160 գ. կարտոֆիլ, 3 գ. ալյուր, 25 գ. գլուխ սոխ, 15 գ. տոմոտ, 25 գ. թարմ, թթու սալոր (ալուչա), աղ, պղպեղ, խառը կանաչին ըստ ճաշակի: |
|
Պատրաստման եղանակը :
| Ոչխարի կրծքամիսը կտրել 30-40 գ. կտորներով, դնել կաթսայի մեջ, վրան սառը ջուր լցնել, ծածկել կափարիչով և եփել թույլ կրակի վրա` մեջ ընդ մեջ քաֆը հեռացնելով: Խաշած միսը հանել արգանակի միջից և կարագով տապակել կաթսայի մեջ, իսկ արգանակը սառեցնել: Մսի տապակած կտորների վրա լցնել քամած արգանակը, իսկ հետո ավելացնել սոխեռած, խորանարդաձև կտրատած կարտոֆիլ ու սմբուկ, լայնակի կտրած լոբի, բամիա, բուլղարական բիբար և եփել: Մատուցելուց 15 րոպե առաջ աղ անել, լցնել կտորներով կտրատած լոլիկ և համեմունքներ:
| Պարունակություն
| 125 գ. ոչխարի մսի համար վերցնել 100 գ. կարտոֆիլ, 20 գ. գլուխ սոխ, 10 գ. յուղ, 100 գ. լոլիկ, 30 գ. լոբի, 20 գ. պղպեղ, 20 գ. բամիա, 30 գ. սմբուկ, համեմ, ռեհան կամ մաղադանոս՝ 3-ական գ., պղպեղն ըստ ճաշակի: |
|
Պատրաստման եղանակը :
| Ոչխարի կրծքամիսը կտրել փոքր կտորներով, վրան ջուր լցնել և եփել՝ մեջ ընդ մեջ քաֆը հեռացնելով: Եփված միսը դնել կաթսայի մեջ, վրան լցնել տաք քամած արգանակը, ավելացնել սոխեռած, բրինձ, լվացած դեղին սալոր (ալբուխար), աղ, պղպեղ և եփել մինչև բրինձը պատրաստ լինի: Մատուցելիս վրան մաղադանոս ցանել:
| Պարունակություն :
| 125 գ. գառան մսի համար վերցնել, 25 գ. գլուխ սոխ, 10 գ. հալած յուղ, 30 գ. բրինձ, 25 գ. ալբուխար, աղ, պղպեղ, մաղադանոս` ըստ ճաշակի: |
|
Պատրաստման եղանակը :
| Սմբուկը մաքրել պտղակոթից, կլպել, այնուհետև մի կողմից դանակով ճեղք բացել և գդալով հեռացնել միջուկը: Արդեն մաքրած սմբուկը 10-15 րոպե դնել աղաջրի մեջ: Սմբուկի միջուկը կտրատել, ավելացնել մանրացրած սխտոր, լվացած ու մանրացրած մաղադանոս և նեխուր, համեմ, սամիթ, համեմել աղով, պղպեղով, խառնել և տապակել ձեթով: Պատրաստի սմբուկները լցոնել այս միջուկով և մեկ շարքով շարել տաքացրած ձեթով թավայի մեջ՜ կտրած մասը վերև: Ավելացնել կլպած լոլիկ, աղ ցանել, ավելացնել մի քիչ ջուր (մեկ բաժնին 20 գ.), լցնել մանր կտրատած համեմ, սամիթ, փակել և 5 րոպե շոգեխաշել: Սմբուկը մատուցել շոգեխաշելուց հետո մնացած հյութով: Ուտեստը կարելի է մատուցել ինչպես սառը, այնպես էլ տաք վիճակում:
| Պարունակություն :
| 200 գ. (3-4 հատ) սմբուկի համար վերցնել 5 գ. սխտոր, 50 գ. մաղադանոս և նեխուր, 5 գ. համեմ և սամիթ, 50 գ. լոլիկ, աղ, պղպեղ՜ ըստ ճաշակի:
|
|
Պատրաստման եղանակը :
| Տավարի կամ գառան լեզուն լավ լվանալ, դանակով քերել վրայի շերտը, նորից լվանալ, դնել կաթսայի մեջ, վրան լցնել եռման ջուր, հասցնել եռման աստիճանի և շարունակել եփել թույլ կրակի վրա: Խաշած լեզուն 10-15 րոպե ընկղմել սառը ջրի մեջ, հետո հանել կաշին, աղ անել և փաթաթել անձեռոցիկի մեջ: Սառած լեզուն կտրել կտորներով և դնել ափսեի մեջ: Ծովաբողկը (ժախուկ) քացախի հետ մատուցել առանձին: Այն պատրաստվում է հետևյալ կերպ - ծովաբողկի մաքրած արմատները անցկացնել քերիչով, լուծել գինու քացախի մեջ, ավելացնել աղ, շաքար և խառնել:
| Պարունակություն :
| 125 գ. լեզվի համար վերցնել աղ` ըստ ճաշակի, 100 գ. ծովաբողկի համար՝ 200 գ. քացախ, շաքար` ըստ ճաշակի: |
|
Պատրաստման եղանակը :
| Գառան չալաղաջը լվանալ, մաքրել, հեռացնել ջլերը և վրայի թաղանթը, ամբողջական կտորով դնել կաթսայի մեջ, վրան լցնել եռման ջուր (ջուրը պետք է ծածկի մսին): Կաթսայի կափարիչը լավ փակել և դնել ուժեղ կրակի վրա: Երբ արգանակը սկսի եփվել, քաֆը հեռացնել, ավելացնել աղ, դափնու տերև և շարունակել եփել թույլ կրակի վրա: Խաշած միսը կտրել կտորներով, դնել ափսեի մեջ, որից հետո զարդարել մաղադանոսով: Առանձին մատուցել խաշած կարտոֆիլ:
| Պարունակություն
| 150 գ. գառան մսի համար վերցնել 200 գ. կարտոֆիլ, մաղադանոս, դափնու տերև, աղն ըստ ճաշակի: |
|
Պատրաստման եղանակը :
| Մշակված հավը դնել կաթսայի մեջ, լցնել սառը ջուր, այնպես, որ միսը ծածկի, փակել կաթսան, եփել թույլ կրակի վրա: Պատրաստի հավը հանել արգանակի միջից, բաժանել մասերի և դնել ափսեի մեջ` ամբողջական տեսք տալով: Եթե խաշած հավը պետք է մի որոշ ժամանակ պահել, ապա հարկավոր է այն փաթաթել խոնավ անձեռոցիկով և դնել սառը տեղ:
| Պարունակություն :
| Մեկ հավի կամ ճտի համար վերցնել մաղադանոս, աղն ըստ ճաշակի: |
|
Պատրաստման եղանակը :
| Պատրաստել նախորդ բաղադրատոմսի նման՝ ծնեբեկի փոխարեն վերցնել շրեշ:
| Պարունակություն :
| 150 գ. շրեշի համար վերցնել 50 գ. ալյուր, 150 գ. ջուր, 15 գ. ձեթ, աղն ըստ ճաշակի: |
|
Պատրաստման եղանակը :
| Ծնեբեկը կլպել այնպես, որ գլխիկները չվնասվեն, լվանալ, գլուխները մի կողմի դասավորել, փնջով կապել, դնել եռացող աղաջրի մեջ և եփել 20-25 րոպե: Դրանից հետո լցնել քամիչի մեջ, սառեցնել և լայնակի կտրել 3-4 սմ.: Առանձին խմոր պատրաստել (ինչպես ալադիի համար), փնջերը դնել խմորի մեջ, տապակել մեծ քանակութկամբ ձեթի մեջ և սառեցնել:
| Պարունակություն :
| 150 գ. ծնեբեկի համար վերցնել 50 գ. ալյուր, 15 գ. ձեթ, աղն ըստ ճաշակի:
|
|
Պատրաստման եղանակը :
| Խաշած ծնեբեկի ցողունները մանր կտրատել (Նայել վերը նշված բաղադրատոմսը), լցնել աղցանամանի մեջ, ավելացնել համեմ, առանձին մատուցել քացախ և ծեծած սխտոր:
| Պարունակություն :
| 200 գ. ծնեբեկի համար վերցնել 20 գ. քացախ, 1 գ. սխտոր, 5 գ. համեմ, աղն ըստ ճաշակի: |
|
Պատրաստման եղանակը :
| Ջոկած, հաստ ցողուններից մաքրած և լվացած ծնեբեկը խաշել աղաջրով, լցնել քամիչի մեջ, սառեցնել և մանր կտրատել: Ավելացնել ամբողջությամբ խաշած և մանր կտրատած ձվերը: Մատուցելուց առաջ ավելացնել մածուն և ծեծած սխտոր:
| Պարունակություն :
| 200 գ. ծնեբեկի համար վերցնել 1-2 ձու, 75 գ. մածուն, 1 գ. սխտոր, աղն ըստ ճաշակի: |
|
Պատրաստման եղանակը :
| Վերցնել ալայազը, հեռացնել վնասված տերևները, լավ լվանալ, լցնել կաթսայի մեջ, աղ անել, խաշել առանց ջուր լցնելու (իր հյութով), լցնել քամիչի մեջ, սառեցնել, հետո մանր կտրատել, լցնել աղցանամանի մեջ, վրան ցանել մանր կտրատած կանաչի: Առանձին մատուցել քացախ, ծեծած սխտոր և մածուն:
| Պարունակություն :
| 200 գ. ալայազի համար վերցնել 20 գ. քացախ, 1-2 գ, սխտոր, 50 գ. մածուն, աղ, խառը կանաչին ըստ ճաշակի: |
|
Պատրաստման եղանակը :
| Պատրաստել ավելուկով և սոխով աղցան (Նայել նախորդ բաղադրատոմսը): Մաքրած ընկույզը թրջել տաք ջրի մեջ, հեռացնել վրայի թաղանթը, մանր կտրատել, լցնել ավելուկի վրա, խառնել, տապակել 2-3 րոպե: Մատուցել սառը վիճակում:
| Պարունակություն :
| 100 գ. չորացրած ավելուկի համար վերցնել 50 գ. գլուխ սոխ, 50 գ. ընկույզ, 20 գ. ձեթ, աղ, պղպեղն ըստ ճաշակի: |
|
Պատրաստման եղանակը
| Չորացրած ավելուկի հյուսը քանդել, լվանալ տաք ջրում, լցնել եռացող աղաջրի մեջ և խաշել, հետո լցնել քամիչի մեջ, սառեցնել, մանր կտրել, վրան լցնել քացախ և ծեծած սխտոր:
| Պարունակություն :
| 100 գ. չորացրած ավելուկի համար վերցնել 2 գ. սխտոր, 50 գ. գինու քացախ, աղն ըստ ճաշակի: |
|
Պատրաստման եղանակը :
| Գազարը ձողաձև կտրել և թեթևակի տապակել ձեթի մեջ, ավելացնել մանր կտրատած սոխ և տապակել: Այնուհետև ավելացնել կլպած, կտորներով կտրատած լոլիկ և նորից տապակել 5-7 րոպե, հետո լցնել աղ, շաքարի փոշի, դարչին, մանր կտրատած մաղադանոս և թողնել սառի: Կանաչ պղպեղը լվանալ, մաքրել ցողունից ու սերմերից, լցնել եռացող աղաջրի մեջ՝ 2-3 րոպե: Պղպեղը լցոնել միջուկով, դասավորել նախապես ձեթ արված կաթսայի մեջ՝ 1-2 շարքով, մինչև կեսը ջուր լցնել, փակել կաթսան կափարիչով և շոգեխաշել ջեռոցում: Լցոնած պղպեղը դնել ափսեի մեջ և վրան մաղադանոս ցանել:
| Պարունակություն :
| 500 գ. բուլղարական պղպեղի համար վերցնել 50 գ. գազար, 15 գ. գլուխ սոխ, 60 գ. լոլիկ, 25 գ. ձեթ, 3 գ. մաղադանոս, 2 գ. շաքարի փոշի, 0,5 գ. դարչին, աղն ըստ ճաշակի: |
|
Պատրաստման եղանակը :
| Պատրաստվում է ոսպով դոլմայի նման (նայել նախորդ բաղադրատոմսը) ՝ օգտագործում ենք ոլոռ և բրինձ:
| Պարունակություն
| 30 գ. կլպած սիսեռի համար վերցնել 10 գ. բրինձ, 15 գ. գլուխ սոխ, 20 գ. արևածաղկի ձեթ, 10 գ. ծիրանաչիր, 10 գ. ալբուխար, 10 գ. չամիչ, 50 գ. խաղողի տերև, աղ, համեմ, ուրց, նանա, մաղադանոս` ըստ ճաշակի: |
|
Պատրաստման եղանակը :
| Ոսպը լվանալ և եփել, ավելացնել աղ մանր կտրատած տապակած սոխ, ծեծած ընկույզ, լվացած ծիրանաչիր և եփել 10-15 րոպե` շարունակաբար խառնելով: Մատուցելիս վրան ցանել սև պղպեղ և մաղադանոս: Մատուցել ափսեով:
| Պարունակություն :
| 80 գ. ոսպի համար վերցնել 20 գ. ձեթ, 25 գ. գլուխ սոխ, 10 գ. ծիրանաչիր, 15 գ. ընկույզ, աղ, պղպեղ, մաղադանոս` ըստ ճաշակի: |
|
Պատրաստման եղանակը :
| Նուշի վրա եռման ջուր լցնել, հեռացնել կեղևը, կտրատել: Չամիչը և չորացրած հոնը լվանալ, 15-20 րոպե թրջել: Հոնի կորիզները հեռացնել, քամիչով անցկացնել: Խաշած, քերիչով անցկացրած լոբին լցնել կաթսայի մեջ, ավելացնել հոնը, նուշը, չամիչը, աղ, վրան լցնել լոբու տաք հյութը (50 գ.) և 20-25 րոպե դնել թույլ կրակի վրա:
| Պարունակություն :
| 80 գ. կարմիր լոբու համար վերցնել 20 գ. չորացրած հոն, 10 գ. չամիչ, 15 գ. նուշ, 2 գ. աղ: |
|
Պատրաստման եղանակը :
| Վարունգը, սոխը կլպել, բուլղարական պղպեղը պտղակոթի կողմից մաքրել: Բանջարեղենը կտրել կլոր շերտերով: Համեմը, ռեհանը, մաղադանոսը մանր կտրել: Բանջարեղենը աղցանամանի մեջ դասավորել շարունակական շարքով այնպես, որ հերթով դրվեն լոլիկը, վարունգը, բուլղարական պղպեղը: Աղցանին լցնել աղ, աղացած սև պղպեղ, վերջում` սոխը, աղցանին ավելացնել քացախ և կանաչի:
| Պարունակություն :
| 100 գ. լոլիկի համար վերցնել 75 գ. վարունգ, 25 գ. բուլղարական պղպեղ, 25 գ սոխ, 5 գ. պղպեղ, քացախ, կանաչ համեմ, ռեհան, մաղադանոս` ըստ ճաշակի:
|
|
|
|