ՎԻՃԱԿԱԳԻՐ
ԿԱՊԻ ՄԵՋ ԵՆ ԸՆԴԱՄԵՆԸ 1 ՀՅՈՒՐԵՐ 1 ՕԳՏՎՈՂՆԵՐ 0
|
Այս ամենը անվճար է
В разделе объявлений: 196
Показано объявлений: 76-100 |
Страницы: « 1 2 3 4 5 6 7 8 » |
Պատրաստման եղանակը :
| Գլուխ սոխը մանր կտրատել, տապակել կարագով` մինչև բաց շագանակագույն դառնա, լցնել կարմիր պղպեղ, վրան լցնել եռման ջուր, լվացած բրինձ, խառնել և եփել: Բրինձը եփվելուց 3 րոպե առաջ ապուրի մեջ լցնել հում ձու, խառնել և ապուրը դնել թույլ կրակի վրա: Մատուցելիս ապուրի մեջ լցնել մանր կտրատած ռեհան և կարմիր պղպեղ:
| Պարունակություն :
| 40 գ. բրնձի համար վերցնել 400 գ. եռման ջուր, 30 գ. հալած յուղ, 50 գ. գլուխ սոխ, 1 ձու, աղ, կանաչի, պղպեղն ըստ ճաշակի: |
|
Պատրաստման եղանակը :
| Գլուխ սոխը մանր կտրատել, կարագով տապակել, վրան սառը ջուր լցնել և եռացնել: Ջրին ավելացնել ջոկած և լվացած բրինձ, աղ, պղպեղ և եփել մինչև բրինձը եփվի: Հետո ապուրի մեջ լցնել հարած ձու և այս ամենը լավ խառնել: Չլբուրը մատուցել վրան մաղադանոս ցանած:
| Պարունակություն :
| 100 գ. գլուխ սոխի համար վերցնել 1 ձու, 15 գ. հալած յուղ, 20 գ. բրինձ, աղ, պղպեղ, մաղադանոս` ըստ ճաշակի: |
|
Պատրաստման եղանակը :
| Ջոկած, լվացած, 20 րոպե թրջված բակլայի, ոլոռի, ցորենի հատիկները լցնել սառը ջրով լցրած կաթսայի մեջ և թույլ եփել, հետո լցնել քամիչի մեջ, իսկ ջուրը թափել: Լցնել կաթսայի մեջ, ավելացնել լվացած և թրջած ոսպ, վրան եռացրած ջուր լցնել և շարունակել եփել 45-50 րոպե, այնուհետև ավելացնել աղ, պղպեղ, ալյուրով տապակած սոխեռած, ծեծած ընկույզ, եռացնել 3-5 րոպե և վերցնել կրակից: Ապուրը մատուցել վրան կանաչի ցանած:
| Պարունակություն :
| 15 գ. ցորենի համար վերցնել 20 գ. ոլոռ, 20 գ. լոբի, 15 գ. ոսպ, 20 գ. կարագ, 20 գ. ընկույզ, 20 գ. գլուխ սոխ, 3 գ. ալյուր, աղ, պղպեղ, կանաչին ըստ ճաշակի:
|
|
Պատրաստման եղանակը :
| Լոբին թույլ եփել, ավելացնել ձավար, սոխառած, աղ, պղպեղ և եփել: Ապուրը մատուցել վրան կանաչի ցանած:
| Պարունակություն :
| 30 գ. կարմիր լոբու համար վերցնել 15 գ. ձավար, 25 գ. գլուխ սոխ, 10 գ. յուղ, աղ, պղպեղ մաղադանոս` ըստ ճաշակի: |
|
Պատրաստման եղանակը :
| Չորացրած ավելուկը լվանալ տաք ջրում, եփել աղաջրի մեջ, քամել մաղով, սառեցնել, մանր կտրատել: Առանձին ամանի մեջ ձեթով տապակել մանր կտրատած սոխը, վրան լցնել ավելուկը, պղպեղ, խառնել և շարունակել տապակել 5-8 րոպե: Մատուցել սառը վիճակում:
| Պարունակություն :
| 100 գ. չորացրած ավելուկի համար վերցնել 50 գ. գլուխ սոխ, 20 գ. ձեթ, աղ, պղպեղն ըստ ճաշակի:
|
|
Պատրաստման եղանակը :
| Ալյուրը մաղել, բովել տաքացրած յուղով մինչև շագանակագույն դառնա, վրան մի քիչ սառը ջուր լցնել և թողնել կրակի վրա 3 րոպե, հետո տապակը վերցնել կրակից, թողնել յուղը սառի, ավելացնել եռման ջուր, աղ անել և նորից մի քանի րոպեով դնել կրակին: Ցանկության դեպքում հալվապուրը կարելի է քաղցր եփել, այդ ժամանակ ջրին ավելացնում են շաքար: Հալվապուրը մատուցում են տաք վիճակում:
| Պարունակություն :
| 50 գ. ալյուրի համար վերցնել 20 գ. յուղ, 400 գ. ջուր, շաքար` ըստ ճաշակի: |
|
Պատրաստման եղանակը :
| Ջոկած և լվացած ձավարի վրա լցնել ջուր և մի քիչ եփել: Ավելացնել մեծ կտորներով կտրատած կարտոֆիլ, սոխեռած, տապակած տոմատ, աղ և եփել մինչև ձավարը պատրաստ լինի: Պատրաստի ապուրի մեջ լցնել ձվի դեղնուց` սառը ջրով բացած, եփել և վերցնել կրակից:
| Պարունակություն :
| 40 գ. ձավարի համար վերցնել 25գ. գլուխ սոխ, 15 գ. տոմատ, 15 գ. յուղ, 100 գ. կարտոֆիլ, 12 ձու, աղ, պղպեղ, մաղադանոս` ըստ ճաշակի: |
|
Պատրաստման եղանակը :
| Կլեպից ու սերմերից մաքրած դդումը կտրել մեծ կտորներով, լցնել աղաջրով լցրած կաթսայի մեջ (100 գ. մեկ բաժնի համար) և եփել: Եռալուց 5 րոպե հետո ավելացնել թերխաշ բրինձը և շարունակել եփել 10-15 րոպե, վրան լցնել կաթ, շաքար, հիլ և եփել մինչև պատրաստ լինի: Մատուցելիս ապուրի վրա ծեծած դարչին լցնել:
| Պարունակություն :
| 200 գ. դդումի համար վերցնել 20 գ. բրինձ, 300 գ. գազար, 10 գ. շաքար, աղ, հիլ, դարչին` ըստ ճաշակի: |
|
Պատրաստման եղանակը :
| Չորացրած ավելուկը տաք ջրով լավ լվանալ, լցնել տաք ջրով կաթսայի մեջ և թեթևակի եփել, հետո ավելացնել թրջած ոսպը, խորանարդաձև կտրած կարտոֆիլ, թթու սալոր, կարագով բոված ցորենի ալյուր, ծեծած սխտոր: Ապուրը եփել մինչև կարտոֆիլը պատրաստ լինի:
| Պարունակություն :
| : 20 գ. ոսպի համար վերցնել 80 գ. կարտոֆիլ, 50 գ. չորացրած ավելուկ, 10 գ. սալոր, 3 գ. ալյուր, 20 գ. կարագ, 1 գ. սխտոր, աղն ըստ ճաշակի: |
|
Պատրաստման եղանակը :
| Պատրաստել ՙԱրիշտայով ոսպապուր՚-ի նման (Նայել նախորդ բաղադրատոմսում), արիշտայի փոխարեն` բրինձ, իսկ չամիչի փոխարեն ծիրանաչիր օգտագործել:
| Պարունակություն :
| 30 գ. ոսպի համար վերցնել 20 գ. բրինձ, 25 գ. գլուխ սոխ, 15 գ. յուղ, 10 գ. ծիրանաչիր, 15 գ. ընկույզ, աղ, պղպեղ, մաղադանոս: |
|
Պատրաստման եղանակը :
| Ոլոռը ջոկել, լվանալ, լցնել կաթսայի մեջ, վրան սառը ջուր լցնել և եփել: Հետո ավելացնել մեծ կտորներով կտրատած կարտոֆիլ, սոխեռած, բոված ալյուր` ջրով բացած, նախապես թրջած չորացած սալոր (ալուչա), աղ, պղպեղ և եփել: Ապուրը մատուցել վրան մաղադանոս ցանած:
| Պարունակություն
| 35 գ. ոլոռի համար վերցնել 25 գ. գլուխ սոխ, 4 գ. ալյուր, 15 գ. յուղ, 100 գ. կարտոֆիլ, 5 գ. չորացրած սալոր, աղ, պղպեղ, մաղադանոս` ըստ ճաշակի: |
|
Պատրաստման եղանակը :
| Ջոկած և լվացած ոլոռը լցնել կաթսայի մեջ, վրան սառը ջուր լցնել և եփել այնքան, մինչև փափկի: Հետո ավելացնել լվացա'ծ բրինձ, սոխեռած և տոմատ, աղ, դաղձ և եփել:
| Պարունակություն :
| 30 գ. ոլոռի համար վերցնել 20 գ. բրինձ, 25 գ. գլուխ, 15 գ,տոմատ, 15 գ. յուղ, աղ, դաղձ` ըստ ճաշակի: |
|
Պատրաստման եղանակը
| Լոբին պատրաստել ինչպես ՙՍպիտակ լոբով ապուր-պյուրեն՚ (Նայել նախորդ բաղադրատոմսը): Եփած լոբուն ավելացնել մեծ կտորներով կտրատած կարտոֆիլ, սոխեռած, բոված ալյուր` լոբու ջրով բացած, նախապես թրջած չորացրած սալոր (ալուչա), աղ, պղպեղ և եփել:
| Պարունակություն :
| 25 գ.սպիտակ լոբու համար վերցնել 25 գ. գլուխ սոխ, 3 գ. ալյուր, 15 գ. հալած յուղ, 100 գ. կարտոֆիլ, 5 գ. չորացրած սալոր, պղպեղ, մաղադանոս` ըստ ճաշակի: |
|
Պատրաստման եղանակը :
| Լոբու վրա սառը ջրով եփել, լցնել քամիչի մեջ, հետո ճզմել, լցնել իր ջրի մեջ և աղ անել: Ապուրին ավելացնել սոխեռած, բոված ալյուր` ջրով բացած, հետո եփել թույլ կրակի վրա` անընդհատ խառնելով: Պյուրեն մատուցել վրան կարմիր պղպեղ, համեմ և սամիթ ցանած:
| Պարունակություն
| 80 գ. սպիտակ լոբու համար վերցնել 25 գ. գլուխ սոխ, 15 գ. հալած յուղ, 3 գ. ալյուր, աղ, կարմիր պղպեղ, համեմ և սամիթ` ըստ ճաշակի: |
|
Պատրաստման եղանակը
| Լոբին լվանալ, վրան սառը ջուր լցնել, եռացնել, հեռացնել քաֆը և եփել թույլ կրակի վրա: Լոբին լցնել քամիչի մեջ, մի մասը լավ տրորել և խառնել խաշած ջրի հետ` մինչև միատարր զանգված դառնա, ավելացնել մանր կտրատած սոխ: Լոբու մնացած մասը, ջրով լուծված ալյուրը, ծեծած ընկույզը, աղը, կարմիր պղպեղը, համեմը խառնել, միացնել մյուս մասի հետ և եփել:
| Պարունակություն
| 60 գ. կարմր լոբու համար վերցնել 25 գ. գլուխ սոխ, 15 գ. ընկույզ, 3 գ. ալյուր, 10 գ. հալած յուղ, աղ, կարմիր պղպեղ, համեմ` ըստ ճաշակի: |
|
Պատրաստման եղանակը :
| Սնկով արգանակ պատրաստել, քամել: Խաշած սնկերը մանր կտրատել, դրան ավելացնել սոխեռած, բոված ալյուր` արգանակի մեջ լուծված, լվացած դեղին սալոր (ալբուխար) կամ սև սալոր, չամիչ և եփել: Մատուցել վրան մաղադանոս ցանած:
| Պարունակություն :
| 20 գ. չորացրած սնկի համար վերցնել 25 գ. գլուխ սոխ, 15 գ. հալած յուղ կամ կարագ, 3 գ. ալյուր, 15 գ. չամիչ, 45 գ. սև սալոր կամ ալբուխար (չորացրած), աղ, մաղդաանոս` ըստ ճաշակի: |
|
Պատրաստման եղանակը :
| Ալյուրը մաղել, բուրգի նման վրա բերել, մեջտեղում փոս անել, ձու և ջուր լցնել, ավելացնել աղ և հունցել խմորը այնքան, մինչև դառնա ամուր և ձգվող: Խմորը բաժանել մի քանի մասի և յուրաքանչյուր մասը բացել 1-1,5 մմ հաստությամբ շերտով: Խմորի շերտերը փաթաթել ռուլետի նման և կտրել 3-4 մմ լայնությամբ: Պատրաստի արիշտան չորացնել բաց օդում, իսկ վերջում դնել ջեռոցի մեջ և պահել այնքան, մինչև վարդագույն դառնա:
| Պարունակություն :
| 1 կգ չորացրած արիշտա պատրաստելու համար վերցնել 950 գ. ալյուր (բարձր տեսակի), 400 գ. ջուր, 4 ձու, 20 գ. աղ: |
|
Պատրաստման եղանակը :
| Պատրաստել սնկով արգանակ, քամել, խաշած սնկերը մանր կտրատել և տապակել յուղով: Քամած տաք արգանակի մեջ լցնել տապակած սնկերը, մեծ կտորներով կտրած կարտոֆիլ, աղ, պղպեղ: Արիշտան (Նայել հաջորդ բաղադրատոմսը) կամ վերմիշելը 3-5 րոպե պահել եռման ջրում, լցնել քամիչի մեջ, հետո լցնել եռացող ապուրի մեջ և եփել:
| Պարունակություն
| 20 գ. չորացրած սնկի համար վերցնել 20 գ. գլուխ սոխ, 15 գ. յուղ, 100 գ. կարտոֆիլ, 20 գ. արիշտա (կամ վերմիշել), աղ, պղպեղ, մաղադանոս` ըստ ճաշակի: |
|
Պատրաստման եղանակը :
| Տավարի մսով արգանակ պատրաստել և քամել, միսը առանձնացնել ոսկորներից և կտրել 40-50 գ. կտորներով: Տաք քամած արգանակի մեջ լցնել ջոկած և լվացած գարեձավարը, սոխեռածը, աղ և եփել թույլ կրակի վրա: Չորացրած սնկերը լվանալ, 3-4 ժամ թրջել ջրի մեջ և եփել նույն ջրում: Խաշած ջուրը քամել, սնկերը մանր կտրատել և ջրի հետ մեկտեղ ավելացնել ապուրին: Այնուհետև լցնել խորանարդաձև կտրատած կարտոֆիլ, աղ անել և ապուրը թեթևակի եփել: Մատուցելիս ապուրով ափսեի մեջ կիտրոնի հյութ լցնել:
| Պարունակություն
| 125 գ մսի համար վերցնել 20 գ. չորացրած սունկ, 10 գ. հալած յուղ, 20 գ. գարեձավար, 20 գ. գլուխ սոխ, 80 գ. կարտոֆիլ, 1/4 կիտրոն, աղ, համեմ` ըստ ճաշակի: |
|
Պատրաստման եղանակը :
| Չորացրած սնկերը լավ լվանալ, 3-4 ժամ թրջել և այդ ջրում էլ եփել: Ջուրը քամել, խաշած սնկերը մանր կտրել և նորից լցնել արգանակի մեջ: Ապուրին ավելացնել մեծ կտորներով կտրատած կարտոֆիլ, սոխեռած, ջոկած և լվացած բրինձ: Աղ անել և եփել:
| Պարունակություն :
| 120 գ. չորացրած սնկի համար վերցնել 100 գ. կարտոֆիլ, 15 գ. յուղ, 25 գ. բրինձ, աղ, պղպեղ և մաղադանոս` ըստ ճաշակի: |
|
Պատրաստման եղանակը :
| Փորոտիքը հեռացրած և մաքրած իշխանը դնել կաթսայի մեջ, վրան լցնել սառը ջուր, աղ, մաքրած մաղադանոս, գլուխ սոխ և եփել թույլ կրակի վրա` 10-15 րոպե: Ձուկը հանել, իսկ արգանակի մեջ լցնել կորիզահան արված հոն, բրինձ, ծեծած ընկույզ և եռացնել: Ապուրը մատուցել վրան թարխուն շաղ տված: Խաշած ձուկը մատուցել ափսեի մեջ:
| Պարունակություն :
| 150 գ. ձկան համար վերցնել 25 գ. գլուխ սոխ, 30 գ. բրինձ, 10 գ. մաղադանոսի արմատ, 15 գ. չորացրած հոն, 15 գ. ընկույզ, աղ, համեմ` ըստ ճաշակի: |
|
Պատրաստման եղանակը :
| Ապուրը պատրաստում են ինչպես կարտոֆիլով ապուրը (Նայել նախորդ բաղադրատոմսը)` ավելացնելով միայն բրինձը, իսկ վերջում` թրջած հոնը: Պատրաստի ապուրի մեջ մատուցելուց անմիջապես առաջ լցնել հարած ձու: Բրնձով ապուրը կարելի է նաև պատրաստել ոչխարի մսով: Ապուրը մատուցել վրան համեմ ցանած:
| Պարունակություն
| 150 գ. հավի մսի համար վերցնել 25 գ. գլուխ սոխ, 1/2 ձու, 10 գ. հալած յուղ, 10 գ. չորացրած հոն, 25 գ. բրինձ, 100 գ. կարտոֆիլ, աղ, համեմ` ըստ ճաշակի: |
|
Պատրաստման եղանակը :
| Հավի մսով արգանակ պատրաստել և քամել, միսը կտրել կտորներով, լցնել կաթսայի մեջ և վրան լցնել քամած, տաք արգանակը: Ապուրին ավելացնել սոխեռած, մեծ կտորներով կտրատած կարտոֆիլ, աղ և եփել մինչև կարտոֆիլը պատրաստ լինի: Ապուրը մատուցել վրան մաղադանոս շաղ տված:
| Պարունակություն :
| 150 գ. հավի մսի համար վերցնել 25 գ. գլուխ սոխ, 10 գ. հալած յուղ, 100 գ. կարտոֆիլ, աղ, մաղադանոս` ըստ ճաշակի: |
|
Պատրաստման եղանակը :
| Պատրաստել հավի արգանակ և քամել: Եփելու ընթացքում մեջը լցնել մաքրած գլուխ սոխ, մեջտեղից կիսած գազար և նեխուր: Հավի միսը անջատել ոսկորներից և մանր կտրատել խորանարդաձև: Ձավարը լցնել եռման ջրի մեջ և խաշել մինչև թուլանա: Խաշած ջուրը թափել, իսկ գարեձավարը շարունակել եփել հավի արգանակի մեջ: Ապուրին մեջ լցնել աղ, խորանարդաձև կտրատած միսը և եփել: Կիտրոնը կլպել, կտրել կտորներով, հեռացնել սերմերը, հետո յուրաքանչյուր կտորը բաժանել 4 մասի և լցնել ապուրի մեջ: Վերցնել կրակից, ավելացնել ձվի դեղնուց` արգանակի մեջ լուծած, և անմիջապես մատուցել:
| Պարունակություն :
| 150 գ. հավի մսի համար վերցնել 30 գ. գարեձավար, 40 գ. գլուխ սոխ, 20 գ. գազար, 10 գ. նեխուր (արմատ), 15 գ. կիտրոն, 1/2 ձու, աղն ըստ ճաշակի: |
|
Պատրաստման եղանակը :
| Լափշա պատրաստելու համար մաղել ալյուրը, բուրգի նման վրա բերել, մեջտեղում փոս սարքել, մեջը լցնել ձու, ջուր, աղ և հունցել խմորը այնքան, մինչև դառնա ամուր և ձգվող: Խմորը բաժանել մի քանի մասի և յուրաքանչյուր մաս բացել 1-1,5 մմ. հաստությամբ: Խմորի յուրաքանչյուր շերտ փաթաթել ռուլետի նման և կտրել 3-4 սմ. լայնությամբ: Ստացված լափշան չորացնել և պահել չոր տեղում: Եփել հավի արգանակ: Եփելու ընթացքում արգանակի մեջ լցնել մաքրած սոխ և գազար (մեջտեղից կիսած): Քամած արգանակի մեջ լցնել լափշան կամ վերմիշել և եփել: Առանձին լավ հարել ձվի դեղնուց, վրան լցնել կիտրոնի հյութ, լավ խառնել, լցնել արգանակի մեջ, խառնելով տաքացնել: Մատուցելիս վրան մաղադանոս շաղ տալ:
| Պարունակություն :
| 500 գ. արգանակի համար վերցնել 200 գ. հավի միս, 25 գ. գլուխ սոխ, 20 գ. գազար, 40 գ. լափշա կամ վերմիշել, 1/2 ձու, 15 գ. կիտրոն, աղ, պղպեղ, մաղադանոս ըստ ճաշակի: 1 կգ. չորացրած լափշայի համար վերցնել 950 գ. ալյուր (բարձր տեսակի), 5 ձու, 200 գ. ջուր, 20 գ. աղ: |
|
|
|